జిందాబాద్ రామోజీ .....

ఈనాడు ని , రామోజీ ఇతర వ్యాపారాలను దెబ్బతీయటానికి పలు రకాలుగా ప్రయత్నించి , తమ వల్ల కాదు అని ఆలస్యం గా కళ్లు తెరిచిన సాక్షి యాజమాన్యం , తెలుగు మీడియా లో రామోజీ ఆధిపత్యాన్ని అంగీకరిస్తూ , రామోజీ పబ్లిక్ పర్సనాలిటీ గా మారడం వల్ల ఆయన కుటుంబ వ్యవహారాలు ప్రజలకి తెలియ చెప్పాలనే ఈ ఇంటర్వ్యూ ప్రచురిస్తున్నాం అంటు తమ అతి తెలివిని , లేకితనాన్ని బయటపెట్టుకున్నారు.

కళ తప్ప మరొకటి తెలియని ఒక సకల కళా వల్లభుడి అజ్ఞానం అమాయకత్వం ఆసరాతో , ఆయనకు ఇహలోక జ్ఞానం ప్రసాదించడానికి పంపబడ్డ ఒక దూత సహకారం తో , రామోజీ కుటుంబాన్ని బజారుకీడుద్దామన్న కుటిల యత్నం లో సాక్షి బొక్క బోర్లా పడిందని ఇంటర్వ్యూ చదివిన వాళ్ళందరి మాట.

మొత్తం ఇంటర్వ్యూ జాగ్రత్త గా చదివిన తర్వాతా రామోజీ మీద గౌరవం మరింత పెరిగింది .

ఎవరికైనా తెర మీద కనపడాలనే కుతి ఎక్కువ గా వుంటే , తమ పెట్టుబడి తో పెట్టుకున్న ఛానల్ లో తమ ప్రతిష్త పెరిగే కార్యక్రమాలను రూపొందిచుకుంటారు . కాని ప్రత్యేక దూత ల చెప్పుడు మాటలు విని , విచిత్రమైన వేషాలతో కోట్ల మంది ప్రజల ముందు తన పరువు తానె తీసుకుంటున్న క్రమం లో , వీల్లిద్దరిని వెళ్ళగొట్టి ఛానల్ పేరు ని కొడుకు పరువు ని రామోజీ కాస్తైనా నిలబెట్టారు .

అదీ గాక ఈ సకల కళా వల్లభుడి అండ తో ప్రత్యేక దూత గారు ఒక గ్యాంగ్ ని తయారు చేసుకుని వారితో కలిసి పిచ్చి గంతులు అరుపులతో ప్రేక్షకులకు వెగటు పుట్టిస్తుంటే పెట్టుబడి పెట్టిన ఎ తండ్రి కడుపు మండదు ??
తమ అపారమైన కళా నైపుణ్యం తో , ప్రజల నాడి తమకు మాత్రమే తెలుసు అని పిచ్చి విశ్వాసం తో బాపు రమణ వంటి దిగ్గజాలను అవమానించడం , దూత గారి సకల కళలకు ETV ( Hero, villain , character artist , comedy , romance , anchoring , news ఒక్కటి చదవలేదనుకుంట !!!!) పూర్తి స్థాయి వేదిక గా మారిపోవడం , ఈ వికృత చేష్టలు భరించలేక ప్రజలు ETV అంటే భయపడే పరిస్తితి కి రావడం తో ఇద్దరిని వెళ్ళగొట్టి రామోజీ మంచి పని చేసారు అని చెప్పవచ్చు.

73 సంవత్సరాల వయసులో ramoji rao gaaru , ప్రభుత్వం లోని అన్ని శాఖలు కలిసి చేస్తున్న దాడులను , వత్తిళ్ళను , ఎ మాత్రం బెదరక ఒంటి చేత్తో ఎదుర్కుంటూ , తను నమ్మిన విలువలకి అనుగుణం గా తన సంస్థ లను నడిపిస్తున్న తీరు అనితరసాధ్యం . వుదాహరణకి ETV సంస్కరణల లో భాగం గా, కొడుకు చేసే ప్రోగ్రామ్స్ సైతం ప్రసారానికి ముందు ప్రివ్యూ కమిటి ఆమోదం తీస్కోమని ఆదేశించడం అభినందనీయం. ( ఈ రోజు ఇంటర్వ్యూ లో వారు చెప్పిన విషయమే , తెలిసో తెలియకో మొత్తం ఇంటర్వ్యూ లో ఎక్కువగా ఇలాంటి విషయాలే చెప్పి , ఈ మొత్తం వ్యవహారం లో రామోజీ తప్పేమీ లేదని వారే చెప్పకనే చెప్పారు ).

వ్యాపార పరం గా దెబ్బ తీయలేక , మానసికం గా నైన దెబ్బ తీద్దామనే సాక్షి వికృత పోకడ , అసలే అంతంత మాత్రం గా వున్నా దాని స్థాయి మరింత దిగాజార్చుకుంది .

ఈ మధ్యే ఈనాడు లో సత్యవేడు SEZ అక్రమాల పై ప్రత్యేక కథనం రావడం తో ఎప్పుడెప్పుడా ని ఎదురుచూస్తున్న TV9 , పొద్దున్నుంచి దీన్ని భూతద్దం లో చూపడానికి పడరాని పాట్లు పడుతుంది .

LET TRUTH PREVAIL .... ABOVE ALL ..................