సర్వే లు , ఫలితాలు .... వాస్తవాలు ....

ఈ మధ్య అన్ని పత్రికలూ, చానల్స్ రక రకాల ఏజెన్సీ లతో సర్వే లు చేపించి , వాటి ఫలితాలను ప్రజల మీదకు యదేచ్చగా వదులు తున్నాయి . ఐతే ప్రస్తుతం మన రాష్ట్రం లో నెలకొనివున్న ప్రత్యేక పరిస్థితులు వాటి ఫలితాలును నిజం గా ఈ సర్వేలు ప్రతిబింబిస్తున్నాయ అనేది పూర్తిగా అనుమానాస్పదం .

ఇందులో విశేషం ఏమిటంటే , ఈ సర్వే లు చేసే పత్రికలూ కాని చానల్స్ కాని ఈ సర్వే లకు ఎ మాత్రం భాద్యత వహించవు, తమ ముసుగులు ఐన ఈ సర్వే ఏజెన్సీ ల పేరుతో ఫలితాలను తమకు అనుకూలం ఐన పార్టీ లకు లాభం కలిగించేలా విడుదల చేస్తున్నై అనే తీవ్రమైన అనుమానాలు వున్నాయి .

.... రేపొద్దున్న ఏమైనా తేడాలు వస్తే , మాకు ఏమి సంబంధం లేదు , కేవలం ఆ ఏజెన్సీ చేసిన సర్వే తాలూకు ఫలితాలు మాత్రమే మేము ఇచ్చాము అని ఎంచక్కా తప్పించుకోవచ్చు.
.... మన దేశం లో ఇంతవరకు ఎ సర్వే ఏజెన్సీ కూడా వరసగా రెండు మూడు ఎన్నికల లో , కచ్చితమయిన pre poll projections ఇచిన విశ్వసనీయమయిన ఏజెన్సీ కూడా ఏది లేదు .

.... సరే మరి ఇంతకూ ఈ సర్వే లు మన రాష్ట్రం లో కింది విషయాలను పరిగణన లోకి తీస్కున్నాయా అనేది అనుమానమే ....

- తెలంగాణా వాదం
- PRP ఖాతా లో పడనున్న ఒక బలమయిన సామాజిక వర్గ వోట్లు (ఇందులో మెజారిటీ వోట్లు ఇంతకు ముందు కాంగ్రెస్ కి దక్కేవి అనేది ఒక విశ్లేషణ )
- తెలుగుదేశం వోట్ల మీద లోక్ సత్తా చూపనున్న ప్రభావం
- ఎంతో కొంత ప్రబావం చూపనున్న నగదు బదిలీ మరియు వుచిత కలర్ టీవీ

ఇవి కీలకమయిన విషయాలు ఎందుకంటే , ఇంతకు ముందు నాలుగు ఐదు ఎన్నికల్లో , తెలుగు దేశం కాంగ్రెస్ ఎవరి వోట్లు వారికి పోల్ కాగ , తటస్తులు ఎవరి వయిపు మొగ్గు చూపితే ఆ పార్టీ అధికారం చేపట్టేది .

ప్రస్తుతం కొత్తగా వచ్చిన PRP , లోక్ సత్తా తో పాటు , మహా కూటమి గా మారిన ప్రతిపక్షాలు , వీటితో తటస్థులు అనే వర్గం పూర్తిగా కుంచించుకు పోయి , అందరు ఏదో ఒక పార్టీ అని డిసైడ్ అయిపోయిన ప్రత్యేక పరిస్థితులు ఈ ఎన్నికల్లో కనబడుతున్నాయి . ఈ పరిస్థితుల్లో ఎ నియోజకవర్గం లో ఎ పార్టీ గెలిచినా అతి తక్కువ మెజారిటీ తో బయటపడే సూచనలు కనబడుతున్నాయి . ఈ మెజారిటీ లో కూడా పైయిన చెప్పిన విషయాలు కీలక భూమిక వహిస్తాయి .

ఈ పరిస్థితుల్లో , ఎ ఏజెన్సీ కూడా ఎంత నిజాయితి గా సర్వే చేసినా కూడా అసలైన ఫలితాలను ప్రతిబింబించలేని పరిస్తితి .

సరే వీటిని పక్కన పెడితే ప్రస్తుతం రాష్ట్రం లో ప్రధాన పార్టీ ల పరిస్థితులు ఇలా వున్నాయి.

కాంగ్రెస్ : ఉత్తర తెలంగాణా లో పూర్తిగా దక్షిణ తెలంగాణా (ఖమ్మం , మహబూబ్నగర్ .....) లో చాల వరకు , ఉభయ గోదావరి జిల్లాలు ల లో పూర్తిగా ఆశలు వదులు కున్న పరిస్తితి .

PRP : తెలంగాణా లో పూర్తిగా (దేవేందర్ గౌడ్ నియోజక వర్గాలతో సహా ) , రాయలసీమ లో అనంతపూర్ , కడప ల లో పూర్తిగా , నెల్లూరు , ప్రకాశం వంటి చోట్ల మెజారిటీ నియోజకవర్గాల్లో పోటి లో లేని పరిస్తితి ....
.
మహాకూటమి : ఫలితాలు ఎలా వుండబోతున్నా , ఉత్తరాంధ్ర , హైదరాబాద్ పాతబస్తీ , కోస్తా లోని అతి తక్కువ నియోజక వర్గాలు మినహాయించి , రాష్టం లోని మిగతా అన్ని నియోజక వర్గాల్లో కూటమి అభ్యర్ధులు ప్రధాన పోటిదారులు గా వున్నారు .

ఎవరండి ఈ బిల్లి రావ్ .........

సాక్షి ఆదివారం లో ఒక సీరియల్ వస్తుంది మనీ మనీ మనీ అని .... అందులో హీరో విజయ్ కి , క్యారెక్టర్ ఆర్టిస్ట్ నాయర్ హీరో రౌడీ వేషాలతో ముచటపడి "బొల్లారం" లో తన భోజన హోటల్ పక్కన వున్న ఖాలీ స్థలాన్ని స్టార్ హోటల్ కట్టుకోమని హీరో కి ఇచ్చేస్తాడు, బహుశా ఒక నాలుగు ఐదు వారల క్రితం అనుకుంటా ఇది జరిగింది . ఈ ఆదివారం సీరియల్ క్లైమాక్స్ కి వచేసరికి .... బొల్లారం లోని ఆ స్టార్ హోటల్ కాస్తా శంషాబాద్ ఐర్పోర్ట్ కి పక్కగా , ప్రముఖ సాఫ్ట్వేర్ కంపెనీ లను ఆనుకుని , ఔటర్ రింగ్ రోడ్ కి అభిముఖం కా జరుగు కుంటూ వచ్చ్చేసింది . ఇది ఎలా జరింగిందో రాసిన వారికి , ప్రచురించిన వారికి మాత్రమె తెలిసి వుంటుంది . పాఠకులు , వీక్షకులు పిచ్చి వాళ్ళుఅని వారు అనుకుంటారు కాబట్టి ఏమైనా రాయోచు ...ఏమైనా చూపించవచ్చు .

... ఈ సీరియల్ ప్రేరణతో నే అనుకుంటా ఈ రోజు సాక్షి పేపర్ లో బిల్లి మెడలో బాబు గంట అనుకుంటూ , ఒక తలా తోక లేని కథనం , వారి ఛానల్ లోనే దానికి దృశ్య రూపం చూపించారు .

సరే ఈ కథ మొత్తం చదివి .... చూసిన తరవాత నాకు వచ్చిన సందేహాలు ఇవి ....

..... బాబు ఈ భూమి ని IMG భారత కి ఇచినప్పుడు దాని చైర్మన్ అసలు IMG కి చెంది వ్యక్తి అని , ఈ బిల్లి రావ్ కేవలం ఒక డైరెక్టర్ అని వారే రాసారు . తర్వాత ఈ బిల్లి దాని చైర్మన్ ని మోసం చేసి కంపెనీ ని హస్తగతం చేస్కోవడానికి కూడా ప్రయత్నం చేసాడు అని కూడా రాసారు ( ఈ సంధి కాలం లో బాబు అధికారం కోల్పోయారు అని కూడా వారే సెలవిచ్చారు ) . సో బాబు అసలు వ్యక్తులకే భూమి ఇవ్వాలని చూసారు ... కంపెనీ లోని అంతర్గత కలహాలకి బాబు కి ఏమిటి సంబంధం ??
బాబు బిల్లి కి సన్నిహితుడు అనే పదే పదే చెప్పడం తప్ప దానికి సంబంధించిన సాక్ష్యాలు మాత్రం ఏమి చూపించలేదు .

.... సాక్షి ఈ రోజు చెబుతున్న ఆ భూమికి కట్టిన విలువ ..... ఇరవై వేల కోట్లు . 2003 లో ఆ భూమి అప్పగించినప్పుడు విలువ ఎంత ? ఆ సమయం లో గచిబౌళి , మామిడి పల్లి లో నిరుపయోగం గా పడి వున్న స్థలాలు అవి .

.... సరే ఇంతలో కొత్త రాజా వారు అధికారం లోకి వచ్చారు ..... ఈ మొత్తం వ్యవహారాన్ని బోగస్ మరియు మోసం గా గుర్తించి , ఈ మొత్తం భూ కేటాయింపు ని రద్దు చేసారు . మరి ఈ బోగస్ కంపెనీ .... ఈ మొత్తం వ్యవహారాన్ని కోర్ట్ వరకు ఎలా తీస్కేల్ల గలిగింది ? ఐదు సంవత్సరాలు అధికారం లో వున్న ప్రభుత్వం ఇన్ని రోజులు దాని ఒక బోగస్ కంపెనీ గా ఎందుకు రుజువు చెయ్యలేక పోయింది . ??
.... బిల్లి రావ్ గారి తలా తోక లేని డైలాగు లని రహస్యం గా చిత్రీకరించిన బిల్లి రావ్ గారి సన్నిహితుడు ..... ఈ టేపు లను సాక్షి కే ఎందుకు అందజేశాడు ? అంటే ఇతను సాక్షి యాజమాన్యానికి కూడా సన్నిహితుడా ?? అందరు ఒకరి కి ఒకరు సన్నిహితులు కాబట్టి .... అందరు కలిసి ఆడిన నాటకం గానే ఇది వుంది. ఆ వీడియో చూసిన వార్కి కూడా ఇదే అనుమానం వస్తుంది ..... వాడింది స్పయ్ కెమెరా అయినా చిత్రీకరణ మాత్రం అత్యంత సహజం గా వుంది ..... అవతలి వ్యక్తి నుంచి వూ వూ అన్నా సౌండ్ తప్ప .... ప్రశ్న అడిగిన దాకలాలు కనిపించవ్.

...... వొడి పోతున్నామనే ప్రమాద ఘంటికలు చాలా గట్టిగ మోగుతుంటే ..... నగదు బదిలీ వంటి ప్రచారాస్త్రాలను పక్క దారి పట్టించటానికి పన్నిన ఒక ఎత్తుగడ గానే దీన్ని బావించాలి .

మరో నాలుగు రోజుల్లో .... ఎన్నికలు ..... చేసింది ఏమి లేదు ...చెప్పుకోవడానికి ఏమి లేదు .... మిగిలిందల్లా బురద జల్లడం .... ఎదురు దాడి కి దిగడం ....